Өлшеу нәтижелерінің құжаттамасы
Қосылғаннан кейін өлшеу құралы бірден өлшеу әрекетін бастайды және оны өшірілгенше үздіксіз жалғастырады.
Кескінді сақтау үшін камераны қалаулы өлшеу нысанына бағыттап, сақтау түймесін (14) басыңыз. Кескін өлшеу құралының ішкі жадында сақталады. Балама ретінде өлшеу түймесін (23) (кідірту) басыңыз. Өлшеу әрекеті қатырылып, дисплейде көрсетіледі. Бұл пайдаланушыға кескінді мұқият қарап шығуға және кейінгі реттеуді (мысалы, түстер палитрасы) орындауға мүмкіндік береді. Егер қатырылған кескінді сақтау қажет болмаса, өлшеу түймесі (23) арқылы өлшеу режимін қайта іске қосыңыз. Кескінді өлшеу құралының ішкі жадына сақтау қажет болса, сақтау түймесін (14) басыңыз.
Қоршаған орта шарттарын немесе сақталған термограмма туралы қосымша ақпаратты тіркеу үшін дауыстық жазбаны жасауға болады. Ол термограмма мен визуалды кескінге қоса сақталады және оны кейінірек көшіріп алуға болады.
Дауыстық жазбаны жасауға жақсырақ құжаттаманы қамтамасыз ету үшін кеңес беріледі.
Дауыстық жазба галереяда жасалады. Төмендегі әрекеттерді орындаңыз:
- Галереяға кіру үшін сол жақ функциялық түймені (17) басыңыз.
- Func түймесін (9) басыңыз. Жазу процесі басталады. Барлық релевантты ақпаратты жазып алыңыз.
- Жазуды аяқтау үшін Func түймесін (9) тағы бір рет басыңыз немесе оң жақ функциялық түймені (10) басыңыз.
- Жазуды тоқтату үшін сол жақ функциялық түймені (17) басыңыз. Жазу аяқталған соң, дауыстық жазбаны тыңдауға болады.
- Жазбаны тыңдау үшін Func түймесін (9) қайтадан басыңыз. Жазба ойнатылады.
- Ойнатуды кідірту үшін оң жақ функциялық түймені (10) басыңыз. Кідіртілген жазбаны қайтадан ойнату үшін оң жақ функциялық түймені (10) қайтадан басыңыз.
- Ойнатуды тоқтату үшін сол жақ функциялық түймені (17) басыңыз.
Жаңа дауыстық жазба жасау үшін бар дауыстық жазбаны жойып, содан кейін жаңа жазу әрекетін бастаңыз.
Жазу кезінде төмендегіге назар аударыңыз:
- Микрофон (16) пернетақтаның артында, микрофон белгісінің жанында орналасқан. Микрофонға қарап айтыңыз.
- Жазба ұзақтығы ең көбі 30 секунд құрайды.
Сақталған термограммаларды шақыру үшін төмендегі әрекеттерді орындаңыз:
- Сол жақ функциялық түймені (17) басыңыз. Дисплейде енді соңғы сақталған фотосурет пайда болады.
- Сақталған термограммалардың арасында ауысу үшін оң (11) немесе сол (15) жақ көрсеткі түймесін басыңыз.
Термограммаға қоса визуалды кескін де сақталады. Оларды шақыру үшін төмен қаратылған көрсеткі түймесін (13) басыңыз.
Жоғары қаратылған көрсеткі түймесін (8) басу арқылы жазылған термограмманы толық кескін ретінде де көрсетуге болады. Толық кескін көрінісінде тақырып жолағының индикаторы, барлық термограммалар көрсетілуі үшін, 3 секундтан кейін жасырылады.
Жоғары (8) және төмен (13) қаратылған көрсеткі түймелерінің көмегімен көріністерді ауыстыруға болады.
Бөлек немесе барлық термограммаларды жою үшін галерея көрінісіне ауысыңыз:
- себет белгісінің астындағы оң жақ функциялық түймені (10) басыңыз. Ішкі мәзір ашылады. Бұл жерде тек осы кескінді, тек оған қатысты дауыстық жазбаны (жазылған болса) немесе барлық кескіндерді жою қажеттігін таңдауға болады. Тек осы кескінді немесе дауыстық жазбаны жою қажет болса, әрекетті Func түймесі (9) арқылы растаңыз.
- Барлық кескіндерді жою қажет болса, Func түймесін (9) немесе оң жақ функциялық түймені (10) басыңыз, әрекетті оң жақ функциялық түймені (10) қосымша басу арқылы растаңыз немесе жою әрекетін сол жақ функциялық түймені (17) басу арқылы тоқтатыңыз.
Кескіндердің дерек үзінділері жадта қалады және оларды реконструкциялауға болады. Біржолата жою үшін бас мәзірде <Құрылғы> → <Әдепкі реттеулер> тармағын таңдаңыз.